Anboto

Eremu Naturalen babeserako lege proposamena egin dute

Sozialistek, popularrek, eta Aralar alderdiak Gasteizko legebiltzarrean proposatu dute Euskal Herriko Natura Babesteko legea aldatzea. Legebiltzarreko alderdi guztiek aho batez onartu dute proposamena aintzat hartu eta eztabaidarako bidea zabaltzea.

Zerga eta tasak luzatuta geratu dira

Ordubete pasa luzatutako eztabaidaren ondoren, aurtengo ordenantza fiskalen luzapena izango dira 2009koak. Zerga eta tasak oro har %4 igotzea proposatu zuen gobernu taldeak, hala ere, PSE-EEren, Talde Mistoaren eta PPren kontrako botoekin proposamenak ez zuen aurrera egiterik izan. Abstenitu egin zen Aralar eta EAJk eta EB-Berdeek bakarrik eman zuten aldeko botoa.

Igoera orokorrik gabeko tasak

Talde Independienteak proposatu, eta talde horren botuekin onartu zuten azaroaren 17ko ez-ohiko Udalbatzarrean datorren urteko Udaleko tasetan igoera orokorrik ez egitea.

Bueltaka

Amorebietak errealitatera bueltan ekarri du Durangoko Kulturala. Hirugarren mailan ez dago inorekin fidatzerik. Tabirakoko gizonak ere zulotik bueltan dira. Denboraldiko bigarren garaipena bolada hobe baten mugarria izan dadila.

Jai giroa nagusi Erkidegoen Jaialdian

Kultura-aniztasuna bultzatu guran Erkidegoen III. Jaialdia antolatu du Udalak Landako Gunean. Aurtengo gonbidatua Saharako Errepublika Arabiarra izan da. Jai giroa nagusi izan den arren, topaketa hau aldarrikapenerako gune bihurtu da. Saharar herriak Tindufeko kanpamenduetan eta lurralde okupatuetan bizi duen egoera salatu du.

Atxondarrek Juanito abadea omendu dute

Juanito Gallastegi abadeari omenaldi hunkigarria eskaini zioten atzo Atxondon. Axpeko elizan meza egin zuten eta beranduago aurreskua eskaini zioten. Bertsoen ondoren bazkari eder batekin amaitu zuten eguna. Jubilatu berri den abadea Atxondoko parrokoa izan ez den arren, urte askoan bertako elizkizunetan parte hartu izan dau. Ekitaldi sorta honekin eskertu gura izan diote Atxondon egin duen lana.

Txarto hasi arren, mailaz igotzea dute helburu

Elorrioko Eskubaloi Taldeak espero baino ahulago hasi du denboraldia. Iaz maila galduta, aurten igoera dute helburu, baina ligako lehen bi neurketak galdu egin dituzte; Zumaiaren kontra estreinakoan eta O�atiren zelaian joan zen asteburuan. Domekan eta etxean, Bera Bera jasoko dute. Arerio zaila da. Bera Berak talde indartsua izan ohi du. Hala ere, markatutako helburuak lortzeko, elorriarrek garaipenak batzen hasi behar dute.

Durangaldeak parte hartu du Real Unionen balentrian

Irungo Real Unionek Real Madril kanporatu izanagatik bat baino gehiago poztuko zen Durangaldean. Izan ere, hiru jokalari eta entrenatzailea bertakoak dira.

Emoziorik ez zen izan Caf�s Baqu�ko lehen final-laurdenetan

Emozioari dagokionez, ikuskizun pobrea eskaini zuten XXIII. Caf�s Baqu� Torneoko lehen final-laurdenek. Iurretako frontoian kadeteetako eta gazteetako bina partidu jokatu ziren, eta irabazleek izerdi askorik bota gabe lortu zuten pasea.

Tasak eta zergak %4,2 igongo ditue, oro har, estolderia zerbitzuan izan ezik

2009ko ordenantza fiskalak zehaztu eta onartu zituzten asteazkeneko udalbatzarrean. Gobernu taldearen proposamena onartu zuten. Horren arabera, KPIaren araberako 4,2ko igoera orokorra egingo dute. Salbuespen bakarra estolderiarena da, orain arte legez mantenduko da-eta 2009an. Horrekin batera, kalean aurkitutako txakurrak batzeko zerbitzua jabeek ordainduko dute aurrerantzean.

Burua altxatu ezinik

Tabirakok bost porrot daramatza bata bestearen atzetik. Bolada txar horretan zeresan zuzena izan dute lesioek, baina taldearen errendimendu eskasa ezin dakioke zorte txarrari bakarrik egotzi. Kantxan euren mailatik oso behera ari dira.

Sahararrak dira aurten Erkidegoen Jaialdiko gonbidatu

Kultura-aniztasunaren “integrazio eta elkarrizketarako topagune” izan gura duen Erkidegoen III. Jaialdia hartuko du, azaroaren 14an hasi eta 16ra bitartean, Landako erakustazokak. Bertan parte hartuko dute, besteak beste, Andaluziak, Extremadurak, Gaztela-Leonek, Senegalek, Ghanak eta Euskal Autonomia Erkidegoak.

‘Kitscaixa Baloreak’ aurkeztu da

Eskolentzako hezkuntza baliabide berria aurkeztu du La Caixak: Kitscaixa Baloreak. “Eskoletatik balore etikoak eta konpromiso soziala bultzatzeko tresna multzoa” eskaintzen du horrek. Batez ere, 8 eta 12 urte bitarteko gazteei zuzenduta dago Kitscaixa Baloreak.

Kultur Astea, nagusien eskutik

Berrio-Otxoa nagusien elkartek Kultur Astea antolatu du, datorren asteari begira, Aldatzekuan. Biharko anaidetasun bazkariarekin abiatuko dute egitaraua.

Omenaldia Juanito abadeari

Atxondoko parrokoa izan ez den arren , urte askotan bertako elizkizunetan parte hartu izan duen Juanito Gallastegi abadeari omenaldia eskainiko diote, domekan, azaroaren 16an, atxondarrek.

Rap-rocka, 70eko hamarkadako doinuak, bakarlari bat eta rock iluna

Danbaka musika lehiaketaren hirugarren edizioaren bide erdira heldu gara dagoeneko: bihar, ostirala, hirugarren kontzertua egingo dute Elgetako Espaloia kafe antzokian, 22:30ean. Orain arte ikusi eta entzundakoaren arabera, esan dezakegu talde gehienek serio hartu dutela lehiaketa, eta etxeko lanak eginda joaten direla Elgetara.

Sarriopapelen itxiera salatu du LABek

Torraspapel taldeak aurreikusi duen Zornotzako Sarriopapel filialaren itxiera salatu du LAB sindikatuak. Sektoreak azken urteetan izan duen beherakada arrazoituz, Zornotzan, 53 behargin kaleratzeko “inolako erreparorik” ez izatea egotzi diete, “taldeak irabaziak baino ez dituen arren”. Era berean, 70 langile kalean utziko dituen espedientea Madrilen tramitatu gura izatea ere salatu dute.

Cie-Automotive Joamarren esku hartu guran

Joamar taldearen (Portugal) kapital sozialaren %51 eskuratzeko erosketa aukera sinatu du Cie-Automotivek. Automozioko enpresa taldeak Balore Merkatuko Komisio Nazionalari (CNMV) jakinarazi dionez, 2010eko lehenengo lau hilabetekoan egin daiteke efektibo.

Emakumeen kontrako indarkeriari aurre egitera deitu dute

Nik emakumeenganako indarkeriari ez, eta zuk? leloarekin EUDELek (Euskadiko Udalen Elkartea) abiatutako kanpainarekin bat egin du Iurretako Udalak ere. Eta, aurten, lehenengo biderrez ekintza sorta eratu dute azaroaren 25ean izango den Emakumeen Aurkako Indarkeriaren Kontrako Nazioarteko Eguna dela-eta.

Dedikazio partziala izango du alkateak

Lehenengo biderrez liberatuta egongo da, lanaldi partzialean, Garaiko alkatea. Izan ere, udal jardunerako dedikazio partziala izatea onartu du udalbatzarrak, aho batez. Gontzal Sarrigoitia alkateak berak azaldu lez, astean 12 orduan egongo da denbora partzialeko arduraldian, 2009ko urtarrilaren 1etik aurrera.